眼大睇唔到？

之前睇新聞，東區醫院個指示牌被人踢爆有好多錯字，錯到離譜，唔知你又睇唔睇到呢？

 

前日去灣仔食飯，見到個牌，笑左出來， 俾十秒你諗諗......

.

.

.

.

.

.

睇到未?想知答案，high-light下面啦!!! 

相信大家係想食「拿」手小菜而唔係「撚」手小菜瓜，哈哈~

註：部分圖片取自網絡 

第三次出賣桐桐

以前有一排桐桐好鍾意入我房，搞我個漫畫書櫃。

成日抆晒我D漫畫出黎擺響床上面，又唔執！

於是有一次，我拎左其中一本漫畫出黎……

我：「桐桐，你睇下，姐姐搵你喎！」

佢望到「姐姐」，嚇到即刻嗌唔好，爭D嗌埋救命，仲真係走去話俾佢信任既人知：
「爸爸，阿姨嚇我呀！」

自此之後，佢真係冇乜再搞我個書櫃了。

伊藤潤二果然威力強勁啊！

猜猜他是誰篇--- 這世界是沒有可靠的人

學生會武林答問大會

今年對學生會選舉特別熱心，問左佢地一個好鬼正經既問題：你地比對手優勝既地方係？

答：我地會爭取各種福利俾學生，(然後佢拎出一個大公文file，翻到唔知第幾頁，指住「廷長開放自修室」)，問：「岩唔岩你？又或者(指住改善印影服務)呢個，岩唔岩你？」
我搖了搖頭，話：「我其實就黎畢業，有無d福利係幫YRS 3既學生？」
答：「我地會爭取入8大聯網既求職網！只要我地成功當選，就會開始做！」
再問：「上年定上上年既學生會都話爭取入8大聯網wor」
答：「咁佢係佢，我地係我地呀嘛！」
我望住其中一位人兄，咁惡既！

dead左十幾秒...............
終於答：「我地同其他兩支莊最唔同既地方係我地既成員每一個都黎自唔同系！」
我諗：乜咁都叫優勝既地方？
再問：「咁你地對手好似反學生會既人於學生會辦公地方留宿，你地點睇呀？」
又吱吱唔唔左幾秒，本來答問題既女孩同隔離既朋友講(其實係講俾我聽)：「講人地既衰野唔係咁好喎~」
我：「咁你地唔好講啦~」
答：「係lor、係lor~」
我諗，俾埋個位你講對手，都唔講，2號莊真係........

答：「我地會爭取24小時開放自修室呀~」
我：「1號莊都話廷長開放自修室wor~」
答：「我地係做到24小時，其他莊做唔做到呀？」
我：「oh~聽講你地反學生會既人於學生會辦公地方留宿wor，係你地呀？」
答：「係呀！我地反霸權！」
我：「O！我buy你，我決定投你地神聖既一票！」

猜猜他是誰篇--- 史上最涼薄

變醜變靚

對女孩子而言，護膚和化妝是很重要的。

敷MASK時，不能說話，敞在沙發很容易昏昏欲睡……

MASK的形狀很像外星人，很嚇人0口0"

另外，一個完美的妝容，畫龍點睛之處就是眼線。

畫一條恰到好處的眼線，絕對能令雙眼神彩動人。

不少得的是令眼睫毛變得濃密和纖長。

過了火位，很容易令人聯想到掛了兩隻曱甴在臉上。

第二次出賣桐桐

上次開會傾PROJECT。話說我地用嘉樂牌雞精黎包裝蝦膏……

同學A：「我地D粒粒蝦膏應該每粒重量幾多？」

同學B答：「睇番雞精個包裝咪知囉～」

同學C：「點同呢？雞精同蝦膏重量應該唔同架嘛」

我：「梗係有唔同啦！蝦膏既密度高過雞精，一定重好多。
就好似我屋企桐桐咁樣，人仔細細但係好重，
皆因佢成日便秘，塞住成個肚都係XX，

變左入面密度好高，所以好重！」

同學ABC：「……哇，好生動清晰既解釋」

第一次出賣桐桐