第四次出賣桐桐

小朋友恩物——喜羊羊！我屋企阿桐都唔例外，勁鍾意，

成日都「羊羊」「羊羊」咁樣嗌住晒。

話說我有隻咁樣既熊啤公仔，

以前阿桐唔知點解硬係認錯左佢做喜羊羊

一嗌話要羊羊原來就係搵佢

久而久之，我地成家都習慣左依隻野就係羊羊

不過好衰唔衰，我床上面仲有另一隻公仔就真係羊咩黎既！

最近阿桐就開始分得清到底羊咩係點既樣

於是依家同我講要羊羊既時候其實就係要佢

之但係佢阿媽D記憶仲停留響侏羅紀，

以為佢阿女嗌羊羊係搵樓上個隻熊啤

岩岩早兩日佢地兩母女番黎個時，

阿桐訓晏覺同佢阿媽話要羊羊

佢阿媽就拎左上面隻熊啤熊仔俾佢

阿桐望住……

「依隻係熊人黎架喎」（桐）

「……咁你要唔要丫？！」（桐媽）