鬼故一則

 唔知大家中學果陣，有冇聽過學校曾經係墳場、醫院、刑場之類既傳聞呢?
當然冇可能全港既中學都係靈異聖地，但好不幸，我既母校以前的確墳場,校內流傳既鬼故亦唔少，例如5樓課室壁報板前有一對紙紮公仔，o係禮堂儲物室搬野比鬼踩到腳等等，甚至有聽眾打上去「猛鬼熱線」爆料話o係女廁見到繡花鞋tim！
以下係一單發生o係兩位舊同學身上既真人真事…

同學P與同學Y都係Chorus既成員，每逢比賽臨近都會留o係音樂室度練習，某日佢地練到六點幾左右,當時大部份同學已經走哂，走廊亦都熄左燈,怕黑既同學於是結伴一齊去廁所。
廁所入面除左最後一格鎖左門之外，就得返佢地兩個人。突然之間，佢地聽到抽水聲由最尾果格傳出，同學P馬上望一望門隙,見唔到有腳棟o係度
一般而言「只聞水聲不見其人」有以下既可能性：

A.水箱壞左

 

 

 

 

 

 

 

B.如廁既人腳太短

 

 

 

 

 

 

 

 

 

 

C.有鬼

 

 

 

 

 

 

 

 

 

 

 

o係繡花鞋既傳聞影響下，同學P與同學Y開始心慌慌，為左證實會唔會係選項B既情況，同學P敲一敲廁格既門，但冇人回應…兩位同學愈黎愈驚，你眼望我眼沉默左一陣，同學Y o係裙袋抽出一個五蚊銀,用力將門鎖扭開…

 

 

 

 

 

 

 

 

 

點知佢地…

 

 

 

 

 

 

 

 

 

 

 

 

 

 

 

 

 

見到既唔係咩廁所花子，而係一名企o係廁板上xxoo緊既校工……

 

貓＝校工，猩猩＝同學

 

 

 

 

 

 

 

 

 

 

 

 

 

 

 

 

 

 

 

 

 

事後同學P與同學Y因撬鎖被扣操行分